A mio nonno...
Si turnassi, ti dicissi, ti cuntassi..
si tu fussi accantu a mia,
quantu ridissi,
si cantassi la me vuci ti piacissi
si turnassi,ti dicissi,ti cuntassi...
d'un munnu ca nun è com'era allura
di annati di duluri e di malura,
di li jorna e di lu chiantu di me matri,
di genti cu li facci di balati,
di sta terra mangiata e maliditta,
e di cu n'ha fattu e ni fa minnitta....
Si turnassi,t'abbrazzassi,ti parlassi
ti taliassi comu si talia lu mari,
ti purtassi unni s'addormi u suli
doppu 'na juranata ca quaria li muri...
Nessun commento:
Posta un commento